Rashiq thotë se Serbia e ka njohur de facto Kosovën

Ministri për Komunitete dhe Kthim në Qeverinë e Kosovës, Nenad Rashiq,  a thënë se pas arritjes së marrëveshjes në Ohër Serbia e ka njohur Kosovën “defacto

“Nëse ky nuk është një njohje  defacto, atëherë nuk e di se çfarë është.” Çfarë duhet të ndodhë tjetër, nëse keni integruar gjithçka… Si ka mundësi që i njihni dokumentet e krahinës suaj jugore? Dhe çfarë është, si quhet, nëse jo njohje”, ka thënë Rashiq në një intervistë për gazetën e sotme Nova.

Sipas tij, kjo paraqet mbylljen graduale të të gjitha institucioneve serbe në Kosovë, e cila ka filluar shumë kohë më parë me gjyqësorin dhe policinë.

“Kjo do të thotë mbyllje graduale e të gjitha institucioneve, dhe lajthitje në kohë të qytetarëve dhe plaçkitje si ‘tabelat e KM mbesin’, ‘jo dorëzim’ e kështu me radhë. Ju keni dy mënyra në të cilat Beogradi ‘operon’. E para është e qetë, në thelb gjithçka që u kërkua prej tyre u krye. Dhe e dyta është mashtrimi i mëvonshëm i qytetarëve”, tha Rashiq.

I pyetur se çfarë mund të bëjë Beogradi në lidhje me hyrjen e Kosovës në OKB, Rashiq beson se askush nuk do ta pyes Serbinë nëse ajo pajtohet me të.

Ai tha se Marrëveshjen për normalizimin e marrëdhënieve e shikon nga këndvështrimi i serbëve vendas, gjegjësisht se si mund t’i mbrojnë të drejtat e tyre dhe për këtë arsye e ka përkrahur edhe marrëveshjen edhe vetë konceptin e marrëveshjes.

Duke folur për formimin e Unionit të Komunave Serbe, ai ka theksuar se nëse merret parasysh aneksi i Marrëveshjes së Ohrit, Qeveria e Kosovës duhet të ketë së paku një propozim deri më 18 prill se çfarë do të thotë vetëqeverisja e serbëve./21Media