Reagon sërish Kamberi: Ta veshim facebookin kuq e zi, tendenca për t’na ndalu shqiponjën, tentativë për t’na mohu identitetin
Reagon sërish Kamberi: Ta veshim facebookin kuq e zi, tendenca për t’na ndalu shqiponjën, tentativë për t’na mohu identitetin
Deputeti i vetëm shqiptar në Parlamentin e Serbisë, Shaip Kamberi, ka kërkuar që qytetarët shqiptarë ta promovojnë shqiponjën, si simbol që përfaqëson kombin shqiptar.
Kjo sipas Kamerit të bëhet në shenjë proteste për pasiqë në Serbi është regjistruar një rast ku policia serbe kanë ndalur një familje. Kamberi tha se raste të tilla synojnë që të na mohojnë identitetin.
“Shqiponja është e jona. Prandaj e mbajmë me krenari. Të gjithë shqiptarët kudo që jetojnë. Tendenca për t’na ndalu shqiponjën është tentativë për t’na mohu identitetin. Nuk pranojmë. Prandaj nuk mundeni.
Në shenjë proteste për rastin e ndodhur ditë më parë, kur një fëmije shqiptar iu ndalua të mbante veshur fanelën me shqiponjë.Ta veshim facebookin kuq e zi.”. shkroi Kamberi në Facebook.
I njëjti për rastin në fjalë ka reaguar edhe më herët duke thënë se shteti i Serbisë po legalizon urrejtje ndaj shqiptarëve. Sipas tij ksenofobia antishqiptare po legjitimohet edhe me procese gjyqësore në Serbi.
Kamberi: Gjyqësori në Serbi po legjitimon ksenofobinë anti-shqiptare
Deputeti shqiptar në Kuvendin e Serbisë, Shaip Kamberi, ka thënë se shteti i Serbisë po legalizon urrejtje ndaj shqiptarëve. Sipas tij ksenofobia antishqiptare po legjitimohet edhe me procese gjyqësore në Serbi.
Kamberi ka përmendur raste të konkrete të shkeljes se të drejtave të shqiptarëve nga autoritet serbe.
“Një familje shqiptare (Bajrami) nga Maqedonia është keqtrajtuar dhe dënuar duke u shpallur “non grata” deri në vitin 2030, nga një gjykatë serbe në Beograd, për të vetmin shkak se djali i tyre i mitur kishte të veshur bluze me shqiponjë dykrenare. Familja ishte duke udhëtuar tranzit nëpër Serbi me destinacion Evropën perëndimore. Një gjykat tjetër serbe në Vranjë, ka ndaluar shfaqjen e dy filmave të autorit shqiptar nga Presheva, Gani Veseli, me arsyetimin që e e ka dhënë Qendra filmike e Serbisë në Beograd, se njëri film, po “nxitë ndjenjat e urrejtjes ndëretnike, në një mjedis shumënacional””, ka shkruar ai, duke shtuar se filmi tjetër nuk mund të shfaqet deri sa nga materiali nuk largohen simbolet shtetërore të Republikës së Kosovës.
“Në pak ditë dy akte gjyqësore të cilat legjitimojnë ksenofobinë antishqiptare e cila është instaluar në të gjitha instanstancat e shtetit të Serbisë. Urrejtje e hapur dhe institucionale ndaj të tjerëve, është përditshmëri që po kultivohet nga institucionet shtetërore në Serbi”, ka shkruar ai.
Sipas tij, autoritet serbe po ndërtojnë kulturën e mohimit të krimeve të luftës e glorifikimit të kriminelëve të luftës.
“Të njëjtat institucione që po nxisin dhe ushqejnë ksenofobinë me program shtetërore, për vite me radhë, po ndërtojnë kulturën e mohimit të krimeve të luftës e glorifikimit të kriminelëve të luftës, me polici po ruajnë muralet e kriminelëve të dënuar nga Tribunali ndërkombëtar për krime lufte dhe përmes projektit të “Botës serbe” po vazhdojnë me politikën e aspiratave territoriale ndaj Kosovës, Malit të Zi e Bosnjës”, ka shkruar ai./21Media