“Red Day” pjesë e Festivalit Ndërkombëtar të Filmit Oriental të Gjenevës

Filmi me regji të Besim Ugzmajlit, “Red Day”, do të marrë pjesë në Festivalin Ndërkombëtar të Filmit Oriental të Gjenevës.
Këtë vit FIFOG feston gratë dhe Joumana Haddad do të jetë presidentja e nderit.
Përpjekja e jashtëzakonshme e një gruaje dhe vajzës së saj për të zënë vend në një shoqëri të kontaminuar patriarkale, përpjekja për të marë atë që ato meritojnë dhe kërkojnë me çdo kusht, persona të mveshur me pushtet që veçse fuqizojnë sfidat dhe vështirësitë e këtyre dy personazheve paraqiten te filmi “Ditë e Kuqe”.
Festivali Ndërkombëtar i Filmit Oriental të Gjenevës do të mbahet nga 13-19 qershor të këtij viti. /21Media