Renault tërhiqet nga tregu rus

Prodhuesi francez i makinave Renault ka njoftuar se po shet shumicën e aksioneve në prodhuesin rus të makinave Avtovaz, në një marrëveshje që do t’i kushtojë rreth 2.2 miliardë euro.
Renault është kompania e fundit e huaj që largohet pas pushtimit të Ukrainës nga Rusia.
Zotërimi i saj prej gati 70% në Avtovaz do t’i shitet Institutit Qendror Rus të Kërkimit dhe Zhvillimit të Automobilave dhe Motorëve, i quajtur Nami. Marrëveshja përfshin një opsion gjashtë-vjeçar për të blerë aksionet.
Dhe aksionet e saj 100% në Renault Rusia do të shkojnë në qytetin e Moskës, tha kompania.
Moska ka thënë se asetet ruse të kompanisë tani janë bërë pronë shtetërore.
“Sot, ne kemi marrë një vendim të vështirë, por të nevojshëm dhe po bëjmë një zgjedhje të përgjegjshme ndaj 45,000 punonjësve tanë në Rusi”, tha shefi ekzekutiv Luca de Meo.
Në mars, prodhuesi i makinave tha se po pezullonte punën në fabrikën e tij në Moska./21Media