Rohde: Veprimet e dhunshme ndaj KFOR-it dhe gazetarëve, të papranueshme
Ambasadori i Gjermanisë në Kosovë, Jorn Rohde, ka deklaruar se sulmet ndaj pjesëtarëve të KFOR-it dhe gazetarëve janë të papranueshme. Ai ka theksuar nevojën për de-përshkallëzim të situatës.
Diplomati gjerman, përmes një reagimi në Twitter, ka thënë se veprimet e dhunshme duhet të ndalen menjëherë.
“Çdo veprim i dhunshëm ndaj NATO-s/KFOR-it, dhe gazetarëve është absolutisht i papranueshëm dhe duhet të ndalet tani-nevoja urgjente e menjëhershme për të de-përshkallëzuar. Falemnderit të gjitha forcave të KFOR-it në teren. Të lënduarve u uroj shërim të shpejtë”, ka shkruar ai.
Disa serbë në Zveçan, Zubin Potok dhe Leposaviq, po protestojnë duke kundërshtuar hyrjen e kryetarëve të rinj shqiptarë në objektet komunale.
Dëshiron ta dëgjosh këtë lajm me zë?