Rriten çmimet e gazit, Rusia vazhdon të ndërpresë furnizimin e Gjermanisë

Çmimet e gazit u rritën pasi Rusia zvogëloi më tej furnizimet me gaz në Gjermani dhe vende të tjera të Evropës Qendrore, pasi ka paralajmëruar në fillim të kësaj jave.
Çmimet evropiane të gazit u rritën me 9%, duke u tregtuar afër nivelit të mëparshëm të të gjitha kohërave pasi Rusia ka nisur luftën në Ukrainë.
Kritikët akuzojnë qeverinë ruse për përdorimin e gazit si një armë politike.
Rusia shkurtoi flukset përmes gazsjellësit Nord Stream 1 në Gjermani, që tani operon me më pak se një të pestën e kapacitetit të saj normal.
Gjermania importon 55% të gazit të saj nga Rusia dhe pjesa më e madhe e tij vjen përmes Nord Stream 1 – ndërsa pjesa tjetër nga tubacionet me bazë tokësore.
Firma ruse e energjisë, Gazprom kërkoi të justifikojë veprimet e fundit duke thënë se ishte e nevojshme për të lejuar punën e mirëmbajtjes në një turbinë.
Qeveria gjermane, megjithatë, tha se nuk kishte asnjë arsye teknike që ajo të kufizonte furnizimin.
Ukraina ka akuzuar Moskën për një “luftë gazi” kundër Evropës dhe për ndërprerjen e furnizimeve për të shkaktuar “terror” mbi njerëzit, shkruan BBC./21Media