Britney Spears përballet me nënën: Ti ke abuzuar me mua
Britney Spears nuk harron. Pavarësisht se Princesha e Pop-it ka rindërtuar jetën e saj me modelin dhe aktorin Sam Asghari , e ka të vështirë të lërë pas gjithçka që ka jetuar për shkak të disa prej të afërmve të saj më të dashur, përfshirë nënën e saj Lynne Spears .
Pikërisht në llogarinë e saj në Instagram këngëtarja i ka dërguar një mesazh të fortë nënës së saj, e cila mesa duket ka kërkuar një qasje gjatë gjithë kësaj kohe.
“Hej mami, a u tregove të gjithëve që e fshehe kafen time çdo mëngjes? A u tregove që zgjohesha çdo mëngjes duke kërkuar kafe dhe nuk kishte asnjë fotografi timen në kuzhinë, vetëm Maddie dhe Jamie Lynn?” – tha Spears.
“Çdo mëngjes vendosja një foto ku rrinim bashkë dhe ti e fshihje para se të zgjohesha. A u ke thënë që të ftova në shtëpinë time në plazh dhe mora çelësat e makinës? A u tregove që më detyrove të shkoja në tre takime javore të Alkoolistëve Anonim edhe pse nuk kam pirë kurrë? Dhe pastaj shkove dhe shtireshe si një nënë e përgjegjshme në kishën e Luizianës. Është një shaka! Më prishe gjithçka. Nuk më dërgove mesazhe”, shtoi ajo.
Spears gjithashtu e akuzoi atë se ka qenë bashkëpunëtore në kujdestarinë që babai i saj ushtronte mbi të për më shumë se 10 vjet.
“A u the atyre se kujdestaria filloi kur ti dhe gruaja e Bryan dilnit çdo natë dhe bënit foto, ndërsa unë nuk mund të shkoja askund dhe nuk mund të kisha një të dashur? Sa guxon të dërgosh mesazhe duke e ditur që po lëndohesha kaq shumë. Nuk më bën as për të qeshur… Ke abuzuar me mua. Po, do ta them dhe më bën përshtypje që vazhdon të pretendosh si nëna e dashur që lutet”, siguroi ajo.
Nëna e këngëtares “Toxic” nuk ishte e ftuar në martesën e saj me Sam Asghari, një festë në të cilën ishin të ftuar të nivelit të lartë si Madonna , Selena Gomez apo Paris Hilton .
Megjithatë, zonja Lynne i uroi vajzës së saj më të mirën: “Dukesh rrezatuese dhe kaq e lumtur!” – shkruan ajo si koment për një nga mesazhet e vajzës së saj në rrjetet sociale. “Dasma juaj është dasma ‘ëndërr’! Dhe ta kesh atë në shtëpinë tënde e bën atë kaq sentimentale dhe të veçantë! Jam shumë e lumtur për ty! Të dua!”./21Media