Rusia akuzohet se po i shfrytëzon shtëpitë bosh për strehimin e ushtarëve
Rusia është akuzuar se ka tentuar të strehojë ushtarakët e saj në shtëpi të braktisura në qytetin Kherson.
Një përditësim i inteligjencës ukrainase ka thënë se trupat ruse u kanë kërkuar shoqatave të strehimit në dy rrethe të ndryshme lista të pronave boshe.
Kherson, në jug, është i vetmi qytet i madh që Rusia ka fituar që nga fillimi i pushtimit të saj në shkurt.
Përditësimi ukrainas ka bërë të ditur se Kremlini po përpiqet të forcojë kontrollin atje, duke shtuar pikat e kontrollit dhe patrullimet dhe duke u përpjekur të bindë popullsinë vendase që t’i nënshtrohet regjimit të ri.
Rusia është përpjekur të sjellë rublën në qarkullim në Kherson dhe raportohet se po planifikon një “referendum” që supozohet se mund të bëjë që qyteti të shkëputet nga kontrolli ukrainas./21Media
Dëshiron ta dëgjosh këtë lajm me zë?