Rusia dëshiron të shkatërrojë jetën normale të evropianëve, paralajmëron Zelensky

“Po përpiqet të sulmojë me varfëri dhe kaos politik ku ende nuk mund të sulmojë me raketa”, tha Zelensky në fjalimin e tij të rregullt të shtunën.

Ai foli disa orë pasi Rusia tha se tubacioni i saj kryesor i gazit në Evropë nuk do të rihapet siç ishte planifikuar.

Evropa akuzoi Rusinë se përdor furnizimet e saj me gaz për të shantazhuar Evropën në mes të konfliktit të Ukrainës, gjë që Moska e mohon.

Çmimet e energjisë janë rritur që kur Rusia ka nisur luftën në Ukrainë më 24 shkurt dhe furnizimet e pakta mund të rrisin kostot edhe më tej.

Ka frikë në rritje se familjet në BE nuk do të jenë në gjendje të përballojnë koston e ngrohjes këtë dimër.

Qeveritë në të gjithë kontinentin po mendojnë se çfarë masash të marrin për të lehtësuar krizën.

Gjermania – një nga vendet më të prekura nga ndërprerja e furnizimit rus – njoftoi një paketë ndihme prej 65 miliardë eurosh (56 miliardë £) të dielën.

Kancelari gjerman, Olaf Scholz tha se Rusia nuk ishte më një partner i besueshëm i energjisë, shkruan BBC./21Media