Rusia përjashtohet nga EURO 2024

Pushtimi që Rusia e filloi ndaj Ukrainës i ka kushtuar popullit rus me sanksione të shumta, po ashtu edhe në botën e sportit.
Skuadra të shumta ruse si dhe Kombëtarja e Rusisë u përjashtuan nga gara të ndryshme të organizuara nga UEFA dhe FIFA.
Si pasojë e luftës që po vazhdon ende mes Rusisë e Ukrainës, rusët u përjashtuan edhe nga Kampionati Botëror “Katar 2022” që do të mbahet gjatë fundit të këtij viti.
Por, tani ka ardhur edhe goditja e radhës për Kombëtaren e Rusisë, ku UEFA zyrtarisht e ka përjashtuar nga garat kualifikuese drejt Kampionatit Evropian Euro 2024.