“Sarita” takon “Don Martinin”, ka disa fjalë për të

Natasha Klauss është aktore e njohur kolumbiane, e cila te publiku shqiptar është bërë e njohur si “Sarita” nga seriali “Pasionet e Fshehta”.
Aktorja është mjaft aktive në rrjetet sociale, ku po publikon imazhe të shumta nga jeta private dhe profesionale e saj. Së fundmi, ajo ka publikuar disa imazhe të bukur në instagram, në të cilën shihet me një aktor mjaft të dashur nga publiku.
Natasha Klauss ka takuar Jorge Cao-n, i cili te “Pasionet e Fshehta” ka luajtur rolin e gjyshit, që ka pasur emrin Don Martin, shkruan rtv21.tv
Krahas fotografisë, aktorja ka shprehur fjalë të mëdha si dhe dashurinë për aktorin, të cilin në serial e ka pasur gjysh.
“Të të shihja përsëri po ndjeja erën e babait tim…”, ka shkruar ndër të tjera Natasha.

 

View this post on Instagram

 

A post shared by Natasha Klauss (@natashaklauss27)

Sezoni i dytë i serialit “Pasionet e Fshehta” ka filluar këtë vit dhe ka sjellur një brez të ri aktorësh, gjithashtu edhe një vazhdim të historisë së veçantë të serialit. “Pasionet e Fshehta” është rikthyer pas gati dy dekadash me vazhdimin e historisë që ka magjepsur shikuesit midis tetorit 2003 dhe korrikut 2004 në transmetimin e tij të parë./21Media