Scholtz e Macron letër Kurtit: Tregoni gatishmëri dhe zgjidhje maksimale për vendime të vështira
Kryeministri i Kosovës, Albin Kurti, ka pranuar letër të përbashkët nga Kancelari gjerman, Olaf Scholz dhe Presidenti i Francës, Emmanuel Macron.
Në letër është shkruar se për Ballkanin Perëndimor normalizimi i plotë i marrëdhënieve ndërmjet Kosovës dhe Serbisë është i një rëndësie kruciale.
“Po u adresohemi juve si lider i shtetit tuaj, për t’u bërë thirrje për të treguar gatishmëri dhe zgjidhje maksimale për të marrë vendime të vështira, që shpijnë drejt progresit të dialogut të udhëhequr nga BE, në mes Kosovës dhe Serbisë.”, është shkruar ndër të tjera në letër.
Kancelari gjerman, Olaf Scholz dhe Presidenti i Francës, Emmanuel Macron i kanë dërguar letër edhe Presidentit të Serbisë, Aleksandar Vuçiq. Serbia duhet të përgatitet për vendim të vështirë. Ky ka qenë mesazhi kryesor i liderëve të Gjermanisë dhe Francës, të cilët së bashku i kanë dërguar një letër të rëndësishme Vuçiqit, lidhur me dialogun me Kosovën./21Media
Letra e plotë drejtuar Kryeministrit Kurti:
I dashur Kryeministër,
Po ua adresojmë këtë letër në një kohë vendimtare për sigurinë në kontinentin Evropian dhe stabilitetin në rajonin e Ballkanit Perëndimor.
Ne jemi të bindur që në dritën e agresionit rus kundër Ukrainës na duhet të bëjmë përpjekje edhe më të fuqishme që perspektiva evropiane të bëhet realitet për shtetet e Ballkanit Perëndimor dhe për të gjetur zgjidhje për mosmarrëveshjet e kamotshme bilaterale dhe rajonale.
Për Ballkanin Perëndimor normalizimi i plotë i marrëdhënieve ndërmjet Kosovës dhe Serbisë është i një rëndësie kruciale.
Po u adresohemi juve si lider i shtetit tuaj, për t’u bërë thirrje për të treguar gatishmëri dhe zgjidhje maksimale për të marrë vendime të vështira, që shpijnë drejt progresit të dialogut të udhëhequr nga BE, në mes Kosovës dhe Serbisë.
Tensionet e kohëve të fundit kanë treguar se hapat konstruktivë në rrugën përpara janë urgjentisht të nevojshëm, në nivelin praktik dhe politik.
Prandaj, ne kemi ngarkuar me punë këshilltarët tonë të politikës së jashtme dhe sigurisë, z.Jens Plötner dhe z.Emmanuel Bonne, për të mbështetur direkt Miroslav Lajčak në përpjekjet e tij.
Propozimi ynë është, që Këshilltarët të bëjnë një vizitë të përbashkët me Miroslav Lajčak në Kosovë dhe Serbi, në mënyrë që të gjejnë opsionet, që procesi të lëvizë përpara shpejt.
Shpresojmë shumë që kjo iniciativë do të ketë interesin dhe përkrahjen tuaj.
Sinqerisht,
|m1\-w|m3ga|m5