Schumer dëshiron që Zelensky të shfaqet gjatë transmetimit të Oscars 2022

Ylli i “Life & Beth” Amy Schumer po përpiqet të gjejë një mënyrë që presidenti ukrainas Volodymyr Zelensky të marrë pjesë virtualisht në ceremoninë e Oscars 2022 në mes të pushtimit rus të vendit të tij.
“Në fakt kam vendosur, doja të gjeja një mënyrë për të futur Zelensky ose për të bërë një kasetë apo diçka vetëm sepse ka shumë sy në Oscars. Unë mendoj se është një mundësi e shkëlqyeshme për të komentuar të paktën disa gjëra. Unë kam disa shaka që theksojnë llojin e gjendjes aktuale. Dua të them, ka kaq shumë gjëra të tmerrshme që ndodhin sa duket e vështirë të përqendrohesh mbi secilën”, tha Schumer.
Si zakonisht, Schumer thotë se nuk ka frikë të trajtojë tema të vështira.
“Nuk kam frikë të shkoj atje, por nuk jam unë që prodhoj Oscars. Unë mendoj se ka padyshim presion në një mënyrë për të thënë: “Ky është një pushim, le të harrojnë njerëzit, ne thjesht duam ta kemi këtë natë”, tha Schumer tutje.
Schumer po bashkëorganizon ceremoninë me Regina Hall dhe Wanda Sykes.
Çmimet Oscar do të transmetohen të dielën, më 27 mars, në ABC./21Media