Sejdiu: Pa plotësimin e kushteve nuk e votojmë ligjin për buxhetin

Sjediu ka përmendur disa nga këto kushte

Shefi i deputetëve të PSD-së, Dardan Sejdiu ka thënë se grupi parlamentar që ai përfaqëson nuk do të votojë miratimin e buxhetit pa plotësimin e kushteve nga ana e Qeverisë.

Ai ka ripërsëritur se në mesin e kushteve janë Ligji për Dialogun, zvogëlimi i zëvendësministrave, për të cilën çështje tha se janë dakorduar që brenda tre muajsh ligji për Qeverinë do ta trajtojë si dhe funksionalizimin e Ministrisë së Bujqësisë.

“Nëse qeveria do që të kalojë buxhetin me votat e PSD-së, duhet t’i plotësojë kushtet”, ka thënë Sejdiu.

Në seancën e nesërme të kuvendit pritet të votohet buxheti për vitin 2019.