Sekuestrohen disa armë në Podujevë, arrestohet një person për trafikim të tyre
Policia e Kosovës ka realizuar një operacion kontrolli në një lokacion në një fshat të Podujevës, me ç‘rast ka rezultuar me arrestimin e një personi të dyshuar për “trafikim me armë”.
Gjatë këtij operacioni policor është kontrolluar një shtëpi banimi dhe janë sekuestruar:
- Dy armë të shkurta (revole);
- Një armë e gjatë (ajrore);
- 20 e pesë fishekë;
- 10 krehër të karikatorit (për armë të gjata);
- Një kuti e mbushur me barut dhe një sasi e predhave sferike për fishekë të gjuetisë;
- Pajisje për shtypjen (gravim) të shkronjave dhe numrave në armë (metal).
Pas intervistimit personi i dyshuar është ndalur në mbajtje për 48 orë. /21Media