​Serbët i provokojnë xhudistet e Kosovës, reagon Kuka

Dy xhudistet Distria Krasniqi dhe Laura Fazliu janë provokuar nga shikuesit e shumtë serbë që ishin në Gori të Gjeorgjisë, ku po mbahej Liga e Kampionëve në xhudo.

Distria Krasniqi dhe Laura Fazliu, ishin pjesë e klubit turk, Galatasaray, i cili u përball me klubin serb Cërvena Zvezda. Ky i fundit humbi nga klubi turk 3:2, ndërsa fitoret vendimtare i arritën Distria dhe Laura.

Lidhur me këtë ka reaguar edhe trajneri i Kosovës në xhudo, Driton Kuka.

“Xhudistet tona Disi e Laura shkëlqyen në Champions League. Si formë bashkëpunimi me Galatasaray ato sot fituan të gjitha ndeshjet. Por në ndeshjen kundër ekipit të Crvena Zvezda disa huliganë i kanë provokuar sportistet tona, duke pa që atje nuk është ekipi ynë, askush prej nesh”, ka shkruar Kuka në Facebook./21Media

Artikuj të ngjashëm

Back to top button
close button