SHBA dhe Britania e Madhe nisin sulme ndaj objektivave Houthi të mbështetur nga Irani në Jemen
SHBA dhe Britania e Madhe kanë nisur sulme të përbashkëta në 36 objektiva Houthi në 13 vendndodhje në Jemen.
Kjo vjen pasi SHBA-ja nisi sulmet në 85 objektiva në Siri dhe Irak të premten në përgjigje të një sulmi vdekjeprurës me dron në një bazë ushtarake amerikane, raporton BBC, përcjell portali rtv21.tv
Shtëpia e Bardhë kishte fajësuar një grup ombrellë të milicisë të mbështetur nga Irani për sulmin e së dielës që vrau tre ushtarë amerikanë.
Iraku thotë se sulmet hakmarrëse të SHBA-së do të sjellin pasoja katastrofike për rajonin dhe se civilët ishin në mesin e 16 personave të vrarë
SHBA thotë se sulmet e saj të premten kishin në shënjestër grupet e milicisë të mbështetur nga Irani
“Përgjigja jonë filloi sot. Ajo do të vazhdojë në kohë dhe vende që zgjedhim,” tha Presidenti Biden në një deklaratë të premten
Irani ka mohuar përfshirjen në sulmin në bazën amerikane, duke i quajtur akuzat “të pabaza” dhe duke thënë se “nuk ishte i përfshirë në vendimmarrjen e grupeve të rezistencës”./21Media
Dëshiron ta dëgjosh këtë lajm me zë?