SHBA paralajmëron sanksione kundër atyre që furnizojnë me municion Rusinë

SHBA-ja paralajmëroi se mund të vendosë sanksione ndaj njerëzve, vendeve dhe kompanive që ofrojnë municion për Rusinë.
Gjatë një takimi me zyrtarë nga 32 vende për të diskutuar sanksionet ndaj Rusisë, zëvendëssekretari i thesarit Wally Adeyemo e bëri të qartë se Washingtoni ishte i përgatitur të merrte masa kundër atyre jashtë SHBA-së që shmangnin sanksionet e Washingtonit.
Ai gjithashtu paralajmëroi se Washingtoni ishte i përgatitur të vendosë sanksione ndaj atyre që ofrojnë municion ose mallra të tjera ushtarake për Rusinë, si dhe kompanitë private ushtarake ose grupet paraushtarake që marrin pjesë ose mbështesin luftën e Rusisë në Ukrainë.
Për më tepër, departamentet e Thesarit, Tregtisë dhe Shtetit lëshuan një alarm duke përshkruar veprimet që ishin ndërmarrë kundër kompleksit ushtarak-industrial të Rusisë dhe vuri në dukje rreziqet me të cilat përballen ata që ofrojnë mbështetje materiale për pushtimin e Rusisë në Ukrainë./21Media