Shitjet e vaksinave i sollën Pfizer 7.8 miliardë dollarë në tremujorin e dytë

Kompania Pfizer bëri të ditur se në tremujorin e dytë të vitit 2021, shitjet e saj të vaksinave kundër COVID-19 arritën në 7.8 miliardë dollarë.
Kompania farmaceutike amerikane tha se ka rritur parashikimin e saj të plotë të të ardhurave nga vaksina nga më parë 33 miliardë dollarë në 33.5 miliardë dollarë, ndërsa varianti delta përhapet dhe po flitet në qarqet publike nëse njerëzit do të kenë nevojë për dozë shtesë.
Rezultatet financiare të kompanisë në tremujorin e dytë tejkaluan pritjet e Wall Street si për fitimin ashtu edhe për të ardhurat. Fitimet e rregulluara për aksion për tremujorin e dytë ishin 1.07 dollarë për aksion kundrejt 97 centëve të pritshëm, të cilat, sipas të dhënave të Refinitive, u vlerësuan mesatarisht në bursë. Të ardhurat e Pfizer në tremujorin e përmendur arritën në 18.98 miliardë dollarë, krahasuar me 18.74 miliardë dollarë të parashikuar.
Kompania pret fitim të rregulluar para taksimit prej 20 për qind të të ardhurave nga vaksina. Ajo gjithashtu parashikon fitime për vitin e plotë 2021 në rangun prej 3.95 deri 4.05 dollarë për aksion, e cila është më e lartë se diapazoni i parashikuar më parë prej 3.55 deri 3.65 dollarë për aksion.
Pfizer pret të gjenerojë të ardhura totale në intervalin prej 78 deri në 80 miliardë dollarë, ndërsa më parë ai vlerësoi se ato do të arrinin nga 70.5 deri 72.5 miliardë dollarë.
 

Back to top button