Shoferi që dyshohet se shkaktoi vetaksidentin në Kroaci dërgohet në Prokurori, nesër merret vendimi

Shoferi që dyshohet se e ka shkaktuar aksidentin e djeshëm në autostradën afër Slavonski Brod në Kroaci, në të cilin 10 njerëz kanë vdekur, është dërguar sot në Zyrën e Prokurorit të Shtetit të Qarkut.
Ai do të merret aty në pyetje, ku pastaj Zyra e Prokurorit të Shtetit do të marrë një vendim për rrjedhën e mëtejshme të procedurave, pra, nëse do të kërkojë paraburgim për shoferin apo do ta lirojë atë. Një vendim për këtë do të merret mëngjesin e së martës.
Siç ka raportuar policia të dielën, shoferi do të raportohet penalisht për dyshimin e kryerjes së një vepre penale nga neni 227 i Kodit Penal – shkaktimi i një aksidenti trafiku në trafikun rrugor, për të cilin dënimi maksimal është deri në 15 vjet burg, raporton index.hr.
Prokuroria e qarkut ka bërë të ditur se shoferi është mbrojtur në heshtje.
Ndryshe, një autobus nga Kosova është aksidentuar dje në mëngjes në Slavonski Brod të Kroacisë, ku kanë vdekur 10 bashkatdhetarë, 44 persona kanë marrë ndihmë mjekësore dhe prej tyre 15 kanë marrë lëndime më të rënda.
Në nder të 10 personave të vdekur në aksident, në Prishtinë mbrëmë janë ndezur qirinj, ndërsa dita e sotme është shpallur ditë zie.