Shpërthim i madh Rusi, 3 të vdekur dhe dhjetëra shtëpi të shkatërruara

Të paktën tre persona u vranë dhe dhjetëra ndërtesa banimi u shkatërruan në qytetin rus të Belgorod pranë kufirit me Ukrainën, tha guvernatori rajonal, pas raportimeve për disa shpërthime në qytet.
Të paktën 11 ndërtesa banimi dhe 39 shtëpi private u shkatërruan.
Të paktën katër persona u plagosën dhe dy u shtruan në spital, duke përfshirë një djalë 10-vjeçar, transmeton rtv21.tv.
Belgorod, një qytet me afro 400,000 banorë rreth 40 km në veri të kufirit me Ukrainën, është qendra administrative e rajonit të Belgorodit.
Që kur Rusia nisi pushtimin e saj më 24 shkurt, ka pasur raporte të shumta për sulme në Belgorod dhe rajone të tjera në kufi me Ukrainën, me Moskën që akuzon Kievin për kryerjen e sulmeve.
Ukraina nuk ka marrë përgjegjësinë për sulmet e mëparshme, por i ka përshkruar incidentet si shpagim dhe “karma” për pushtimin rus.
Moska i quan veprimet e saj një “operacion special ushtarak” për të çarmatosur Ukrainën dhe për ta mbrojtur atë nga fashistët. Ukraina dhe aleatët e saj në Perëndim thonë se akuzat fashiste janë të pabaza dhe se lufta është një akt agresioni i paprovokuar./21Media