Shpërthim në fabrikën më të madhe të armëve në Bullgari, ka viktima
Tre persona raportohet të kenë vdekur pas një shpërthimi të martën në një punishte që i përket prodhuesit më të madh bullgar të armëve Arsenal, citoi agjencia shtetërore e lajmeve BTA të thoshte shefi ekzekutiv i uzinës.
“Ka viktima. Me shumë mundësi tre persona kanë vdekur. Vendi nuk është pastruar ende”, tha për BTA shefi ekzekutiv i Arsenalit, Nikolay Ibushev. “Numri i personave të lënduar ende nuk është sqaruar”, tha ai.
Zyrtarët lokalë të shëndetësisë në qytetin Kazanlak në Bullgarinë qendrore ku ndodhi shpërthimi konfirmuan vdekjen e të paktën një burri dhe thanë se një grua ishte në gjendje kritike në spital, transmeton rtv21.tv.
Videoja e publikuar në rrjetet sociale tregonte një re të madhe tymi mbi uzinë.
Shkaku i shpërthimit nuk dihet ende. Mediat lokale, duke cituar një zyrtar të lartë të policisë, thanë se neglizhenca e punëtorëve në trajtimin e materialeve shpërthyese ishte shkaku më i mundshëm.
Prokurorët pritet të japin detaje më vonë të martën./21Media
Dëshiron ta dëgjosh këtë lajm me zë?