Shqipëria në finalen e “Eurovision 2021”

 

Ka përfunduar nata e dytë gjysmëfinale e “Eurovision 2021” në Rotterdam të Holandës.

Shqipëria është kualifikuar në finalen e madhe të Festivalit Evropian të Këngës “Eurovision 2021”. Shqipëria në Eurovision përfaqësohet nga këngëtarja Anxhela Peristeri me këngën “Karma”.

Nga nata e dytë gjysmëfinale për në finalen e Eurovision-it janë kualifikuar: Shqipëria, Serbia, Bullgaria, Moldavia, Portugalia, Islanda, San Marino, Zvicra, Greqia dhe Finlanda.

Ndryshe, dhjetë shtetet e gjysmëfinales së parë që arritën të kualifikohen për në finalen e “Eurovision 2021” që do të mbahet më 22 maj janë: Norvegjia, Izraeli, Rusia, Azerbajxhani, Malta, Lituania, Qipro, Suedia, Belgjika e Ukraina./21Media