Sindikata e Infermierëve bën thirrje për protestë, pas plagosjes së infermierit

 

Sindikata e infermierëve të Kosovës,  dënon ashpër sulmin ndaj të infermierit të Urologjisë, në Qendrën Klinike Universitare të Kosovës. Sipas tyre  kjo nuk është hera e parë si dhe u bëjnë thirre organeve të sigurisë që sa më parë të merren me rastin.

“Nuk është hera e parë që ndodhin raste të tilla ndaj infermierëve. Ne ju bëjmë thirrje organeve të sigurisë që sa më parë të merren me rastin dhe kryerësit të marrin dënimin e merituar. Poashtu ju bëjmë thirrje policisë, që të ndërmarr masa të menjëhershme, në mbrojtje të infermierëve, që raste të tilla mos të ndodhin më kurrë”, thuhet në reagimin e Sindikatës në Facebook.

Në lidhje me këtë Sindikata e infermierëve u ka bërë thirrje për protestë të gjithë infermierëve, që janë tani në punë, që të mblidhen menjëher para Emergjencës në Qkuk.

“Sindikata e infermierëve të Kosovës, ju bën thirrje të gjithë infermierëve, që janë tani në punë, që të mblidhen menjëherë para Emergjencës në QKUK, në shenjë proteste për plagosjen e infermierit F. Nga Klinika e Urologjisë”, thuhet në reagimin e Sindikatës. /21Media