S’ka fitues në “Fadil Vokrri”, Prishtina dhe Ballkani ndajnë pikët
Pa fitues është mbyllur superderbi i javës së nëntë në Superligën e Kosovës në futboll.
45 minutat e para ishin të zjarrta në stadiumin “Fadil Vokrri” me të dy skuadrat që kërkonin me ngul golin, lojë kjo e cila edhe solli dy gola të bukur.
Ishte skuadra e Ilir Dajës që kaloi në epërsi pas gjysmë ore lojë le golin e bukur të Nazmi Gripshit, por vetëm katër minuta me vonë, bardh e kaltërot barazua 1-1 me golin e Blesas.
Ndryshe nga e para, pjesa e dytë shfaqi lojë të zbehtë nga të dy skuadrat. Asnjëra prej tyre nuk rrezikonin të humbisnin duke luajtur me ritëm tejet të ngadalshëm dhe rezultati final mbeti 1-1 dhe skuadra morën nga një pikë.
Kështu Ballkani mbetet lider në tabelë me 20 pikë, një më shumë se Llapi, kurse Prishtina ka 12 pikë në vendin e pestë.