​Snajperistët e FSK-së arrijnë rezultate të larta në Turqi

Ekipi i Forcës së Sigurisë së Kosovës pjesëmarrës në garën “Best Sniper Competition 2023”, që u mbajt në Egirdir të Republikës së Turqisë, në shkollën Komando, ka arritur rezultate të larta dhe është vlerësuar për bashkëpunimin dhe ndërveprueshmërin me pjesëmarrësit në garë.

FSK ka njoftuar se kjo garë çdo vit mbledhë shume ekipe nga shtete të ndryshme të botës për të garuar me ekipet e tyre speciale të snajperistëve dhe përveç qëllimit garues, kishte për qëllim njohjen, marrjen dhe shkëmbimin e njohurive të reja nga snajperistët pjesëmarrës.

“Gara u zhvillua në disiplina dhe skenarë të ndryshëm shume sfidues bazuar në situata reale. Ekipi i FSK-së, tregoj një përkushtim dhe profesionalizëm shumë të lartë duke përfaqësuar në mënyrë dinjitoze FSK-në dhe shtetin e Kosovës”, thuhet në njoftim.