Sot vranësira, reshje shiu e bubullima
Me mot të ndryshueshëm nisi java e fundit e gushtit.
Moti që do të mbizotërojë në vendin tonë gjatë ditës së sotme nuk do të jetë i qëndrueshëm. Mëngjesi i sotëm u përfshi nga reshjet e shiut.
Vranësira, reshje shiu e bubullima do të ketë gjatë tërë ditës. Rrebeshet nëpër lokalitete mund të jenë më intenzive, me mundësi për breshër.
Por, nga dita e mërkurë pritet përmirësim, do të depërtojnë masa kryesisht stabile dhe të thata anticiklonike.
Ndërsa, nga dita e enjte në tërë rajonin tonë na pret mot kryesisht me diell dhe me ngritje progresive të temperaturave. Temperaturat maksimale përsëri pritet ta kapin dhe tejkalojnë shifrën 30 gradë Celsius.