Stoltenberg: Lufta Rusi-Ukrainë do të përfundojë në tavolinën e negociatave

Sekretari i Përgjithshëm i NATO-s, Jens Stoltenberg ka thënë se “lufta në Ukrainë do të përfundojë në tavolinën e negociatave”.
“Ne do ta përkrahim Ukrainën për aq kohë sa duhet. Ne do ta përkrahim Ukrainën që të mbizotërojë si një shtet i pavarur, sovran në Evropë dhe më pas kjo luftë ka shumë mundësi të përfundojë në tryezën e bisedimeve. Dhe rezultati i kësaj do të varet tërësisht nga forca në fushën e betejës. Kjo është arsyeja pse ne i mbështesim ata”, ka thënë Stoltenberg.
Ndërkaq, sot(24 gusht) Ukraina feston 31 vjetorin e shpalljes së pavarësisë./21Media