Sulm terrorist, vriten 10 punëtorë

Dhjetë punëtorë të naftës u vranë në një sulm terrorist në Sirinë lindore, njoftoi të premten agjencia shtetërore e lajmeve SANA.
Përveç të vdekurve, “dy të tjerë janë plagosur në një sulm terrorist që synoi tre autobusë që transportonin punëtorë nga fusha e naftës Al-Taim në provincën Deir Ezzor”, thuhet në raport.
SANA nuk dha asnjë informacion mbi natyrën e sulmit ose kush mund të qëndrojë pas tij, por një monitor i luftës me bazë në Britani akuzoi “celula të grupit Daesh” për kryerjen e sulmit pranë fushës së naftës.
“Sulmi filloi me mjete shpërthyese që shpërthyen ndërsa autobusët po kalonin, dhe më pas militantët e grupit qëlluan mbi ta”, tha Rami Abdel Rahman, drejtor i Observatorit Sirian për të Drejtat e Njeriut./21Media