Sveçla takon drejtorin e Policisë, nënshkruajnë strukturën e re organizative
Ministri i Punëve të Brendshme, Xhelal Sveçla, është takuar me Drejtorin e Përgjithshëm të Policisë, Gazmend Hoxha.
Gjatë takimit, Sveçla e Hoxha nënshkruan strukturën e re organizative të Policisë së Kosovës.
“Të vetëdijshëm për potencialin që ka Policia e Kosovës, përmes kësaj strukture synojmë që të ngrisim efektivitetin dhe forcojmë radhët e saj”, ka shkruar Sveçla.
Tutje, ai bëri të ditur se synimi i përbashkët është siguria publike dhe angazhimi në shërbim të qytetarëve.