Tahiri-Kurtit: Lëri more bakllavat e filmat, jepja shtesat e rrezikshmërisë policëve

Shefi i Grupit Parlamentar të AAK-së, Besnik Tahiri, i ka bërë edhe njëherë thirrje qeverisë që t’ia jep policisë shtesat e rrezikshmërisë.

Tahiri përmes një reagimi në “Facebook”, ka komentuar edhe shpërndarjen e bakllavës pjesëtarëve të policisë së Kosovë në veri.

“Kryeminister, lëri more bakllavat e filmat por jepja shtesat e rrezikshmërisë e rritja koeficientin në pagë policëve! Bile ke pas mundësi me jau qit rrogat para Bajrami!”, është shprehur Tahiri.

Kryeministri, Albin Kurti sot se ka qëndruar për vizitë në veri të Kosovës. Kurti u ka dërguar policëve edhe bakllava me rastin e festës së Kurban Bajramit.

Megjithatë, edhe kreu i AAK-së, Ramush Haradinaj sa ishte kryeministër  e kishte zakon të fillonte ditën e Bajramit me oficerët e Policisë së Kosovës, duke iu ofruar kafe e ëmbëlsira./21Media