Takohen Biden dhe Ursula von der Leyen, flasin për dialogun Kosovë-Serbi
Në takimin ndërmjet kryetares së Komisionit Evropian, Ursula von der Leyen, dhe presidentit amerikan, Joe Biden temë diskutimi ka qenë dialogu mes Kosovës dhe Serbisë.
Leyeni theksoi se palët kanë në tryezë një plan të mirë për normalizimin e marrëdhënieve, ndërkaq shprehu pritjen për konstruktivitet në prag të takimit të Ohrit, më 18 mars
“Është shumë e rëndësishme që dialogu Serbi-Kosovë të vazhdojë. Nuk është e lehtë. Ka ende shumë çështje për të zgjidhur, por është duke ecur në drejtimin e duhur. Dialogu ka mbështetje të plotë nga të dyja palët tona”, ka thënë von der Leyeni.
Ajo ka shprehur gjithashtu pritjen që Kosova dhe Serbia të demonstrojnë konstruktivitet në takimin e 18 marsit në Ohër të Maqedonisë së Veriut, ku pritet që palët të dakordohen rreth udhërrëfyesit për zbatimin e Planit evropian për marrëveshjen e normalizimit të marrëdhënieve.
Diskutimi Biden-Von der Leyen rreth dialogut është zhvilluar një javë para se kryeministri i Kosovës, Albin Kurti, dhe presidenti i Serbisë, Aleksandar Vuçiq, të mbajnë takim në Ohër, me ndërmjetësimin e emisarit evropian për dialogun, Miroslav Lajçak, dhe të përfaqësuesit të lartë të BE-së për Politikë të Jashtme dhe të Sigurisë, Josep Borrell.
Ajo ka shprehur gjithashtu pritjen që Kosova dhe Serbia të demonstrojnë konstruktivitet në takimin e 18 marsit në Ohër të Maqedonisë së Veriut, ku pritet që palët të dakordohen rreth udhërrëfyesit për zbatimin e Planit evropian për marrëveshjen e normalizimit të marrëdhënieve.
Diskutimi Biden-Von der Leyen rreth dialogut është zhvilluar një javë para se kryeministri i Kosovës, Albin Kurti, dhe presidenti i Serbisë, Aleksandar Vuçiq, të mbajnë takim në Ohër, me ndërmjetësimin e emisarit evropian për dialogun, Miroslav Lajçak, dhe të përfaqësuesit të lartë të BE-së për Politikë të Jashtme dhe të Sigurisë, Josep Borrell.