Të paktën 13 të vrarë pas operacionit amerikan

Të paktën 13 persona janë vrarë në një sulm të madh të forcave speciale amerikane në Sirinë veriperëndimore të kontrolluar nga opozita.
Pentagoni tha se misioni ishte “i suksesshëm” dhe se nuk kishte viktima amerikane, por nuk dha detaje të tjera.
Shërbimi i shpëtimit i Helmetave të Bardha tha se kishte gjetur trupat e gjashtë fëmijëve dhe katër grave në një shtëpi në Atmeh, transmeton rtv21.tv.
Objektivi i bastisjes nuk është identifikuar, por xhihadistët e lidhur me Al-Kaida mendohet se jetojnë në zonë.
SHBA-ja ka akuzuar Al-Kaidën për përdorimin e Sirisë, e cila është shkatërruar nga pothuajse 11 vjet luftë civile, si një strehë e sigurt për të rindërtuar, për të koordinuar me degët e saj të huaja dhe për të planifikuar sulme të jashtme.
Disa helikopterë amerikanë thuhet se u ulën në Atmeh, një qytet në provincën Idlib që është afër kufirit me Turqinë dhe shtëpia e dhjetëra mijëra personave të zhvendosur, rreth mesnatës së të enjtes.
Forcat speciale përdorën altoparlantë me zë të lartë për të paralajmëruar gratë dhe fëmijët në arabisht që të evakuonin zonën, sipas një regjistrimi audio të postuar në internet .
Burimet lokale thanë se trupat u përballën me rezistencë të ashpër në terren dhe se ata u vunë nën zjarr nga armë të rënda kundërajrore të montuara në automjete.
Të shtëna me armë zjarri dhe granatime u dëgjuan për dy orë përpara se helikopterët të niseshin./21Media