“The Telegraph”: Ambasada e Kosovës në Londër do të zhvendoset në shtëpinë e komedianit Spike Milligan

Kosova po e zhvendos ambasadën e saj në Londër në një rezidencë prej 6.5 milionë funtesh në “Hyde Park”, dikur në pronësi të komedianit Spike Milligan, raporton The Telegraph.

Tutje, siç raporton The Telegraph, prona e artit dhe artizanatit në Bayswater, është blerë nga Kosova pas një marrëveshjeje nga ambasadori Ilir Kapiti.

Ambasada e Kosovës në Britani të Madhe aktualisht gjendet në “John Street” në Holborn të Londrës.

Milligan dhe autori Eric Sykes kishin blerë pronën prej 5697 metra katrorë në vitin 1967, duke e bërë atë seli të “Associated London Scripts”.

Rezidenca, e cila është ndërtuar në vitet 1890, ka një sërë dhomash të mëdha në katin e parë, tavane të larta dhe ndodhet në një nga zonat më të kërkuara të ambasadave.

Stafi i ambasadës së Kosovës synon të zhvendoset në ndërtesë pasi të përfundojë puna e rinovimit, raporton The Telegraph.

Gary Hersham, drejtor themelues, tha se kjo shtëpi e madhe në qytet ka dobinë e një historie të gjatë të përdorimit si zyra dhe si strehim banimi, duke e bërë një hap logjik transformimin në një ambasadë.

E vendosur në pragun e Hyde Park, jo larg Buckingham Place, e bëjnë atë një vend të përsosur për një mision diplomatik./21Media