TikTok do t’i ndalojë fëmijët të bëjnë transmetim “live”

TikTok po rrit moshën minimale për transmetim të drejtpërdrejtë nga 16 në 18 vjet nga muaji i ardhshëm.
Një hetim i BBC News zbuloi qindra llogari që shkonin drejtpërdrejt nga kampet e refugjatëve sirianë, me fëmijë që luteshin për donacione.
Disa merrnin deri në 1,000 dollarë (900 £) në orë – por kur ata tërhoqën paratë, TikTok kishte marrë deri në 70%, përcjell portali rtv21.tv
Në të ardhmen, vetëm të rriturit do të jenë në gjendje të “dërgojnë dhurata virtuale ose të kenë akses në veçoritë e fitimit të parave”, tha TikTok.
Kështu, duke filluar nga 23 nëntori, vetëm përdoruesit 18 vjeç e lart do të mund të organizojnë një transmetim të drejtpërdrejtë.
Sidoqoftë, është e paqartë se si TikTok do t’i zbatojë këto kufizime moshe.
Meta, e cila zotëron Facebook dhe Instagram, dhe Google, e cila zotëron YouTube, kanë një moshë minimale të transmetimit live prej 13 vjeç dhe tashmë i lejojnë përdoruesit të kufizojnë moshën e përmbajtjes që ngarkojnë./21Media

Back to top button