Tjetër medalje për Distria Krasniqin
(Lajm i përditësuar)
Distria Krasniqi ka fituar tjetër medalje me rëndësi. Ajo të premten e fitoi medaljen e bronztë në garën Grand Prix të xhudos në Tbilisi të Gjeorgjisë.
Për medalje të bronztë Distria e mposhti lehtë kinezen Yeqing Zhu. Ndaj saj fitoi me dy uazari të shpejtë.
Ajo shtoi 500 pikë olimpike Paris 2024.
Sot garoi edhe Flaka Loxha, e cila shënoi dy fitore dhe u ndal në raundin e tretë, kategoria -57 kg.
Nesër garon Laura Fazliu, pasnesër Loriana Kuka.
Distria Krasniqi kalon në çerekfinale të Grand Slamit të Tbilisit
Distria Krasniqi ka prekur çerekfinalen në Grand Slamin e Tbilisit.
Kampionja Olimpike në xhiron e tretë mposhti me Wazaari, holandezen Naomi Van Krevel, në kategorinë deri në 52 kg.
Krasniqi në xhiron e parë ishte e lirë, në xhiron e dytë ajo mposhti me Wazaari dhe Ippon, rusen Iana Zhilkina.
Në çerekfinale ajo takohet me garuesen nga Spanja, Ariane Toro Soler.