Tragjedi në stadiumin e Indonezisë, 174 viktima pas ndeshjes së futbollit

Të paktën 174 persona kanë vdekur pas një kaosi që u shkaktua pas një ndeshjeje futbolli në kampionatin elitar indonezian. Dhuna dhe kaosi u përshkallëzua pasi policia përdori gaz lotsjellës ndaj tifozëve të cilët u futën në fushë me të përfunduar ndeshja.

Rreth 180 u plagosën në përplasjen pasi Arema FC humbi ndaj rivalëve Persebaya Surabaya në provincën East Java. Shefi i ministrit të sigurisë së vendit tha se spektatorët e tejkalonin kapacitetin e stadiumit prej 38,000 me rreth 4,000 njerëz, shkruan BBC.

Presidenti Joko Widodo ka urdhëruar që të gjitha ndeshjet në ligën më të lartë të Indonezisë duhet të ndalen derisa të përfundojë një hetim.

Pamjet tregojnë tifozët që vrapojnë në fushë pas fishkëllimës së fundit. Policia më pas hodhi gaz lotsjellës, duke çuar në një rrëmujë të turmës dhe raste mbytjeje, tha Nico Afinta, shefi i policisë në East Java.

“Ishte bërë anarkike. Ata filluan të sulmojnë oficerët, ata dëmtuan makina”, tha ai, duke shtuar se dy oficerë policie ishin në mesin e të vrarëve.

Tifozët e arratisur “dolën në një pikë në dalje. Më pas pati një grumbullim, në procesin e akumulimit pati gulçim, mungesë oksigjeni”, shtoi ai.

Videot në mediat sociale tregojnë fansat duke u kapur mbi gardhe për të shpëtuar.

FIFA, organi qeverisës botëror i futbollit, deklaron se asnjë “gaz i kontrollit të turmës” nuk duhet të merret ose përdoret nga stjuardët ose policia në ndeshje.

Shoqata e futbollit indonezian (PSSI) tha se kishte nisur një hetim, duke shtuar se incidenti kishte “njollosur fytyrën e futbollit indonezian”./21Media

Artikuj të ngjashëm

Back to top button
close button