Trajneri i Sllavia Pragës tregon se nga çfarë i frikësohet Ballkanit

Pasi barazoi me rezultat 1-1 në ndeshjen e parë të grupit G ndaj CFR Cluj në “Fadil Vokrri”, Ballkani të enjten do të zhvillojë ndeshje e dytë, me ç’rast do të luajë në udhëtim kundër Sllavia Pragës.
Para ndeshjes, trajneri i skuadrës çeke, Jindřich Trpišovský e vlerësoi lartë kampionin e Kosovës dhe u shpreh se i frikësohet për shkak të lojës së bazuar në kombinime të shkurtra që e praktikon.
“Ata janë shumë të fortë në kombinime. E fillojnë çdo aksion me pasime të shkurtra, portieri dhe të dy qendërmbrojtësit kanë një teknikë të shkëlqyer. E gjithë skuadra ka një kontroll të përsosur të topit, ju mund të shihni se si ata shijojnë futbollin”, tha Jindřich Trpišovský.
Ndeshja do të zhvillohet nga ora 18:45 në stadiumin “Fortuna Arena” në Pragë.
Në këtë grup, ku bëjnë pjesë edhe CFR Cluj dhe Sivaspori dhe të gjitha kanë vetëm nga një pikë pas ndeshjeve të para.