Truss: Lufta mund të jetë ”fillimi i fundit” për Putinin
Sekretarja e Jashtme e Mbretërisë së Bashkuar, Lizz Truss ka thënë se sulmi ushtarak rus në Ukrainë ”mund të jetë fillimi i fundit”.
Duke folur për programin Trevor Phillips në Sky News, Truss tha se “ne po shohim rezistencë të fortë dhe të guximshme ukrainase” dhe Mbretëria e Bashkuar “do të vazhdojë t’i furnizojë ata me armë dhe mbështetje ekonomike”.
Ajo tha se besonte se Putin “po bënte një gabim strategjik” duke pasur parasysh dëmin që sanksionet perëndimore do t’i bënin ekonomisë ruse.
Por ajo sugjeroi se lufta mund të zvarritet për disa vite dhe kishte frikë se nuk do të përfundojë shpejt, transmeton rtv21.tv
”Kam frikë se ky konflikt mund të jetë shumë i përgjakshëm”, ka thënë ajo.
Kur u pyet për sanksionet e Mbretërisë së Bashkuar, Truss tha se ajo kishte “përpiluar një listë të goditur të oligarkëve” dhe sugjeroi se do të kishte “një program të vazhdueshëm sanksionesh”.
Sipas sekretares se Jashtme, lufta në Ukrainë do të shkaktojë një “kosto ekonomike” në MB, por populli britanik do ta kuptojë çmimin që do të paguanim nëse nuk i rezistojmë Putinit tani./21Media
Dëshiron ta dëgjosh këtë lajm me zë?