U caktua lokacioni i Sunny Hill Festival
Edicioni i sivjetmë i Sunny Hill Festival do të mbahet në në parkun e Gërmisë. Kështu ka bërë të ditur sot kryetari i Prishtinës, Përparim Rama, i cili ka informuar se janë siguruar lejet e nevojshme.
Për shkak të kufizimeve të hapësirës në parkun e Gërmisë, sipas Ramës, Sunny Hill Festival këtë vit do të ketë kapacitet të kufizuar të pjesëmarrësve, përkundër potencialit dhe nevojave në rritje që i ka festivali.
“Sunny Hill Festival zotohet se e gjithë hapësira e parkut që do të merret në shfrytëzim do të përdoret me kujdes të shtuar, dhe se pastrimi dhe rigjenerimi i parkut do të bëhet në afat rekord, edhe me investimet e nevojshme nga ana e Sunny Hill Festival.”, ka shkruar Rama në Facebook.
Ministria e Kulturës, Rinisë dhe Sportit dhe ministritë tjera përkatëse, bashkë me Komunën e Prishtinës janë zotuar të ofrojnë mbështetje të plotë për realizimin e një edicioni të jashtëzakonshëm të Sunny Hill Festival në Prishtinë më 4, 5, 6 dhe 7 gusht 2022./21Media
Dëshiron ta dëgjosh këtë lajm me zë?