U varros mësimdhënësja që u vra dje

Mësimdhënëses S.G e cila dyshohet të jetë vra mëngjesin e 25 nëntorit nga bashkëshorti i saj në Prishtinë u varros sot në orën 14:00 në varrezat e qytetit, në Dragodan.
Viktima 63 vjeçare S.G., ishte arsimtare e gjeografisë në shkollën fillore “Dardania” në kryeqytet.
Prokuroria Themelore njoftoi dje se ngjarja ndodhi në orët e hershme të mëngjesit.
“Sot, rreth orës 04:40, në Stacionin Policor Qendra, është paraqitur personi i lartcekur, i cili dyshohet se ka privuar nga jeta bashkëshorten e tij, tani të ndjerën S.G. (1959), me një mjet të mprehtë (sëpatë), në shtëpinë e tyre, në Rr. “Mark Isaku” në Prishtinë”, ka deklaruar dje Prokuroria përmes komunikatës.
Vrasja ngjalli reagime të shumta, u dënua nga krerët e insitucioneve, organizatave të grave e nga SBASHK anëtare e së ciles ishe e ndjera./21Media