Ukraina ka zmbrapsur ofensivën ruse ndaj qytetit Donetsk
Ushtria ukrainase tha se ishte në gjendje të zmbrapste ofensivën ruse drejt qytetit Bakhmut të Donetskut në Ukrainën lindore.
Në përditësimin e tij të mbrëmjes të mërkurën, Shtabi i Përgjithshëm i Forcave të Armatosura të Ukrainës tha se u kishte shkaktuar humbje forcave ruse që synonin të avanconin në atë zonë, transmeton rtv21.tv.
“Ushtarët ukrainas zmbrapsën me sukses sulmet e armikut në vendbanimin e Berestove dhe në drejtimet e” Volodymyrivka, Soledar, Rota dhe Semyhiria, tha ushtria. “Armiku u tërhoq me humbje”.
Granatime artilerie dhe sulme ajrore u raportuan në shumicën e fshatrave dhe qyteteve përreth zonës, si dhe përgjatë pjesës më të madhe të vijës së frontit në rajonin e Donetskut, ndërsa Rusia “vazhdon përpjekjet e saj për të përmirësuar pozicionin taktik në drejtimet e qyteteve Kramatorsk dhe Bakhmut me veprimet sulmuese”, tha Shtabi i Përgjithshëm.
Ushtria ukrainase tha se një sulm përgjatë aksit Bilohorivka-Verkhnokamianske u zmbraps gjithashtu.
Në zonën përreth Kharkiv, si dhe përgjatë krahut jugor pranë Khersonit, forcat ukrainase thanë se ushtria ruse ka ruajtur kryesisht pozicionet e saj mbrojtëse./21Media
Dëshiron ta dëgjosh këtë lajm me zë?