Ukraina thirrje autoriteteve serbe që të heqin shkronjën “Z”

Ambasada e Ukrainës në Beograd sot u bëri thirrje autoriteteve serbe që të heqin shkronjën “Z” nga hapësirat publike, e cila shpreh një qëndrim armiqësor ndaj ukrainasve dhe të qëndrojnë publikisht në mbrojtje të popullit ukrainas.
Ambasada tha se “pret që qeveria serbe të marrë iniciativën për të hequr këto slogane gjenocidale kundër ukrainasve” ​​dhe se “të paktën do të bëjë të njëjtën deklaratë publike në mbrojtje të popullit vëlla ukrainas”.
Ambasada ukrainase u nxit nga deklarata e ministrit të Brendshëm të Serbisë, Aleksandar Vulin, që i dha mbështetje Rusisë dhe që “e dënoi Ukrainën” për disa thirrje të tifozëve në Kiev kundër Serbisë më 2019.
Në fakt, vetëm në Serbi sa u përket shteteve evropiane, ka pasur marshe pro Rusisë që ka nisur pushtimin e Ukrainës më 24 shkurt. Të gjitha vendet tjera kanë dënuar Rusinë dhe agresionin e saj./21Media