Ukraina thotë se ka neutralizuar më shumë se 4500 sulme kibernetike këtë vit

Shërbimi i Sigurisë së Ukrainës (SBU) ka neutralizuar më shumë se 4,500 sulme kibernetike ndaj vendit këtë vit, tha një zyrtar të hënën.
Ilya Vitiuk, kreu i departamentit të sigurisë kibernetike të SBU tha në një deklaratë se Ukraina kishte “hyrë në vitin 2022 me tetë vjet përvojë të luftës hibride pas nesh”, duke shtuar se “në kohën e pushtimit, ne ishim tashmë gati për skenarët më të këqij”.
“Dhe sulmet masive kibernetike që ne zmbrapsëm në janar dhe shkurt u bënë ‘stërvitje’ shtesë përpara pushtimit,” tha ai.
Shkalla e sulmeve kibernetike tani është shumë më e gjerë, veçanërisht në krahasim me vitet e mëparshme, tha ai. Në vitin 2020 u regjistruan afro 800 sulme kibernetike, ndërsa në vitin 2021 u hodh në 1400 dhe në vitin 2022 numri u rrit më shumë se tre herë.
“Sot, vendi agresor kryen mesatarisht më shumë se 10 sulme kibernetike në ditë. Për fat të mirë, shoqëria ukrainase as që di për shumicën prej tyre”, tha Vitiuk.
Ai shtoi se sulmuesit kanë më shumë gjasa të synojnë energjinë, logjistikën, objektet ushtarake, bazat e të dhënave qeveritare dhe burimet e informacionit.
“Ne monitorojmë rreziqet dhe kërcënimet në kohë reale 24/7. Ne i njohim me emër shumicën e hakerëve nga shërbimet speciale ruse që punojnë kundër nesh. Ne jemi duke punuar në dokumentimin e tyre”, tha Vitiuk, duke deklaruar se ata do të përballen me seanca dëgjimore në një gjykatë të ardhshme ushtarake ndërkombëtare./21Media