Usyk mbron titujt e kampionit të botës

Boksieri ukrainas, Oleksandr Usyk ka arritur t’i mbrojë titujt e kampionit të botës në kategorinë e rëndë, pasi ka nokautuar britanikun Daniel Dubois në një meç të shtunën në Poloni.

36-vjeçari ukrainas me sukses tash ka arritur t’i mbrojë titujt WBA (super), WBO, IBF dhe IBO.

Ai nokautoi 25-vjeçarin në rundin e nëntë.

Këta tituj ai i fitoi nga Anthony Joshua më 2021.

Usykut i mungon vetëm titulli WBC, që mbahet nga Tyson Fury.

Në karrierë, Usyku ka 21 fitore, 14 prej të cilave me nokaute. Nuk ka asnjë humbje e asnjë barazim.