Për së treti herë radhazi edhe sot u protestua kundër shtrenjtimin të energjisë elektrike. Për dallim nga  herëve tjera protestuesit sot bllokuan dy udhëkryqe në kryeqytetet prej orës 14 deri në ora 16 . Kërkesa e protestuesve është shfuqizimi i vendimit për rritje të energjisë për 7.4 % që e vendosi javë më parë Komisioni Rregullator për Energjetike dhe kërkojnë nga Qeveria sa më shpejtë të pranojë kërkesat e qytetarëve.

Nuk do të ndalemi deri në momentin kur do të plotësohen të gjitha kërkesat e qytetarëve. Për këtë shkak nga kjo proteste paqësore me bllokada të dy udhëkryqeve në Shkup i dërgojmë mesazh Qeverisë që sa më shpejtë të pranojë kërkesat qytetare sepse përndryshe do të pasojnë bllokada në më tepër udhëkryqe dhe për këtë kaos në qytetet përgjegjës do të jetë Qeveria”, tha Behar Shaqiri, organizator i protestës.

Marjan Risteskti, kryetar i Konfederatës së Sindikatave tha se KRRE  nuk guxon të sjell vendime të tilla pa asnjë debat, brenda natës, pa Qeveri, pa Kuvend, pikërisht, siç tha, në këtë korona-krizë kur është dëmtuar më së shumti xhepi i qytetarëve.

Ne nga këtu  duam  të dërgojmë haber deri tek ministrat e rizgjedhur, deri tek Qeveria e rizgjedhur të tregojnë se dinë ta dëgjojnë zërin e popullit pa dallim se është sjellë ai vendim për rritje të energjisë për 7.4 për qind. Ekspertët të ndryshëm të cilët janë profesionistë në këtë fushë pohojnë se ky shtrenjtim është i pa justifikuar”, theksoi Risteski.

Përveç se në Shkup protesta zhvillohen  edhe në 7 qytetet tjera si në Tetovë, Strugë, Gostivar, Kumanovë, Kërcovë, Prilep dhe Manastir. Protestuesit planifikojnë që javën e ardhshme të bllokojnë 4 udhëkryqe për 4 orë në qytetin e Shkupi, ndërsa kërkesat e tyre të tjera janë që Komisioni Rregullator i Energjetikës të tërheqë vendimin për rritjen e energjisë elektrike prej 7.4% dhe të ulë çmimin e rrymës për 46% për konsumatorët e amvisërisë,  liberalizimin e tregut energjetik në vend si dhe heqjen e monopolit të vetëm një kompanie shpërndarëve, duke i hapur rrugë edhe operatorëve të tjerë./TV21