Vdiq në moshën 89-vjeçare njëri prej zbuluesve të HIV-it

Luc Montagnier, virologu francez i vlerësuar si bashkë-zbulues i virusit të mungesës së imunitetit njerëzor (HIV), ka vdekur në moshën 89-vjeçare.
Atij, iu dha Çmimi Nobel 2008 për punën e tij në izolimin e virusit që shkakton AIDS.
Ai u lavdërua për këtë punë, por më vonë u kritikua për pretendime joshkencore në lidhje me autizmin dhe Covid19.
Faqja lokale e lajmeve FranceSoir raportoi se ai vdiq të martën në Neuilly-sur-Seine “i rrethuar nga fëmijët e tij”.
Virologu filloi të punojë me virusin në fillim të viteve 1980, ndërsa ishte në Institutin Pasteur të Francës, një fondacion kërkimor jofitimprurës.
Montagnier dhe ekipi i tij – duke përfshirë Françoise Barré-Sinoussi, i cili më vonë do të fitonte çmimin Nobel në Fiziologji ose Mjekësi me të, ekzaminuan mostrat e indeve nga pacientët me sindromën e re misterioze.
Ata arritën të izolojnë HIV-in në nyjën limfatike të një pacienti me SIDA dhe publikuan lajmin e zbulimit në revistën Science në vitin 1983.
Në të njëjtin botim, shkencëtari amerikan Robert Gallo publikoi gjetje të ngjashme, dhe më vonë arriti në përfundimin se virusi shkakton SIDA. Mosmarrëveshja se kush e identifikoi për herë të parë HIV-in shkaktoi vite debatesh të nxehta.
Gallo pranoi në vitin 1991 se virusi që gjeti vinte nga Instituti Pasteur një vit më parë, dhe të dy burrat ranë dakord publikisht në vitin 2002 që ekipi i Montagnier zbuloi HIV-in, por që Gallo tregoi fillimisht rolin e tij në shkaktimin e SIDA-s.
Megjithatë, kur Montagnier dhe Barré-Sinoussi iu dha çmimi Nobel në 2008 për punën e tyre – krahas Harald zur Hausen për punën e tij mbi kancerin e qafës së mitrës – komiteti në mënyrë kontroverse nuk e përmendi Robert Gallon./21Media