Vetaksident në autostradën “Arbën Xhaferi”, 5 të lënduar

Pesë persona kanë mbetur të lënduar si pasojë e një vetaksidenti që ndodhi sot rreth orës 17: 23 në autostradën Arbën Xhaferi, drejtimi Lipjan-Ferizaj.
Për portalin rtv21.tv zëdhënësi i policisë së Kosovës Bajram Krasniqi ka thënë se në vend-ngjarje kanë dalë pos njësive policore edhe ndihma emergjente mjekësore dhe një ekip i zjarrfikësve.
”Në ora 17:23, policia është njoftuar për një aksident trafiku në autostradën Arbër Xhaferi, drejtimi Lipjan-Ferizaj. Nga vendi i ngjarjes policia njofton se në aksident është përfshirë vetëm një veturë (vet-aksident). Si pasojë e aksidentit pesë persona kanë pësuar lëndime. Në vend-ngjarje kanë dalë pos njësive policore edhe ndihma emergjente mjekësore dhe një ekip i zjarrfikësve”, ka thënë Krasniqi./21Media