Katër shtëpi janë djegur mbrëmë në qytetet e ndryshme të Kosovës.

Sipas Policisë së Kosovës, në Gjakovë, një person ka informuar se në rrethana të pa njohura një aneks i shtëpisë është përfshirë në zjarr. Zjarrfikësit kanë shuar zjarrin.

Ndërsa, në Prishtinë, një person ka raportuar deri sa ka qenë me familje, në rrethana ende të panjohura kulmi i shtëpisë së tij kishte marrë flakë. Në vendin e ngjarjes kanë dal njësitë policore, si dhe ekipi i zjarrfikësve të cilët e kanë shuar zjarrin.

Kurse, në Mitrovicë, është raportuar se një shtëpi është përfshirë nga zjarri. Në vendin e ngjarjes kanë dal njësitë policore, njësiti i KEDS-it dhe njësiti i zjarrfikësve. Shtëpia e përfshirë ishte e vjetër dhe nuk ka qenë askush në atë kohë në shtëpi.

E në Gjilan, është raportuar se një shtëpi kapluar nga zjarri. Në vendin e ngjarjes kanë dalë njësitë policore dhe zjarrfikësit të cilët kanë shuar zjarrin. Dëmet materiale janë të mëdha, ndërsa të lënduar nuk ka.

Sipas policisë  rastet janë duke u hetuar./21Media