Vrasja e trefishtë në Gllogjan, javën tjetër nis gjykimi

Tre të akuzuarit për vrasjen e trefishtë në Gllogjan të Deçanit, do të dalin para gjykatës javën tjetër.

Për portalin rtv21tv lajmin e ka konfirmuar zëdhënësja e Gjykatës Themelore në Pejë, Tringa Zhuti.

Zhuti ka thënë se seanca për këtë rast është caktuar më 24 maj, në orën 10:00.

Aktakuza ndaj tyre është ngritur para dy javësh. Kastriot e Kreshnik Mehmetaj akuzohen si bashkëkryes së vrasjes së rëndë, derisa Halil Mehmetaj për shtytje në vrasje të rëndë./21Media